جہاں جہاں ہیں آدمی وہ خاندان ہے مرا

یہ سب زمین ہے مری  یہ  آسمان ہے مرا

        مکین ِہرمکاں ہوں میں ہراِک مکان  ہے مرا

                                                   میں کیوں کہوں وطن مرا فقط یہ ایک دیس ہے

                                                   کہ ہوں میں سب جہان کا سبھی جہان ہے مِرا

فضول اور بات ہے ہماری ایک ذات ہے

جہاں جہاں ہیں آدمی وہ خاندان ہے مِرا

                                                        مسافرِ عدم ہوں میں سفر میں دم بدم ہوں میں

                                         جہاں ذرا ٹھہر گیا وہی  مکان  ہے مرا

                    مجھے کوئی ضررنہیں مجھے کوئی خطر نہیں

                مجھے کسی کا ڈر نہیں وہ پاسبان ہے مرا

∞∞∞∞∞∞∞∞

شاعر: سید محفوظ الحق علمی

مطبوعہ: صور اسرافیل، امن کے گیت صفحہ ۱۸