جہان تازہ کی ہے افکارِ تازہ سے نمود
کہ سنگ و خشت سے ہوتے نہیں جہاں پیدا
’’دنیا کو جس چیز کی ضرورت ہے وہ ہے کرسمس کے جذبہ سے سرشار ۵۰ہفتے اور دوسرے عام دو ہفتے۔وہ دیکھو، مسٹر فلیچر کے چہرے پر منحوس ہنسی۔جنوری کی دو تاریخ آتے آتے اس کا دل سرکاری وکیل استغاثہ کی آنکھوں کی طرح سرد ہو جائے گا‘‘۔
میں ایک جھلّی میں لپٹا پیدا ہوا تھا۔ اس واقعہ کے سلسلہ میں میرے آئیرش نژاد والد صاحب کافی بڑہانکا کرتے تھے۔ ویسے میرے چچا ڈفّی اس بارے میں زیادہ فصاحت سے فرمایا کرتے تھے کہ ’’یسوع، مریم اورجہنم کے تمام فرشتوں کی قسم! لمڈا پُڑیا میں لپٹا آیا ہے۔‘‘ دائی نے سب سے پہلے والد صاحب کو خبر دی کہ ان کے یہاں ایک لپٹا لپٹایا جینیس پیداہوا ہے۔